कृष्ण उवाच

भावंडांची गुप्त भाषा

अण्णा,आबा,दादा,आते आणि आप्पा ह्या चार भावंडांची एक गुप्त भाषा होती.
लहान असतानाच त्या सर्वानी तयार केली होती.जशी एक “चकारी” भाषा आहे
आणि बहुतेक सर्वांना ती माहित असावी.उदा.”तुला माहीत आहे का?”
 हे वरील “चकारी”भाषेत म्हटलं जाणार “चलातू चहीतमा चहेत का?”
अशाच प्रकारची थोडी वेगळी भाषा होती.आणि हे सर्व त्यानी त्यांच्या आईला आणि वडिल,
 नानांना कळू नये आणि आप आपसात बोलायला मिळावे, म्हणून तयार केली होती.

एकदा काय झालं अण्णा आणि दादा सावंतवाडीहून वेंगुर्ल्याला आप्पांच्याच
“सावंतवाडी ते बेळगांव ” ह्या बस सर्वीस मधून जात होते.अप्पा स्वतःच बस चालवत होते.
बस मधले दोन प्यासींजर एकमेकात बोलत होते.तिच गुप्त भाषा त्यांनाही येत होती.
त्या भाषेत एक दुसऱ्याला सांगत होता,”हे चार मुलगे नांनांचे”आणि पूढे तो सांगू लागला,

“माझा मोठा मुलगा एक्साईझ सुपरीन्टेंडन्ट,दुसरा स्टेशन मास्तर .
तिसरा ब्यांक म्यानेजर, आणि चवथा, जो बस चालवत आहे तो, स्वतःची सर्वीस चालवतो”
असे यांचे वडिल, नाना सर्वांना फूशार्कीने सांगत असतात.”

हे त्याचे गुप्त भाषेतले भाषण ऐकल्यावर अण्णानी त्याच भाषेत त्याला सांगीतले
“फूशारकी म्हणता काय ?थांबा घरी गेल्यावर मी नानानांच सांगतो तुम्ही अमुक अमुक ना?”
असे हंसत हंसत म्हणाले.खरं तर तो आतेचा  नवऱ्याकडचा नातेवाईक होता आणि नंतर कळलं
आतेनेच त्याला ही गुप्त भाषा शिकवली होती आणि त्याने त्या दुसऱ्या माणसाला शिकवली होती.
ते दोघेही खूप घाबरले त्यावर अण्णा म्हणाले” अरे, तुमची मी गम्मत केली नानांना
 आम्ही सांगणार नाही घाबरू नका”

ही गोष्ट अण्णानी आम्हाला सांगितली आणि ते पुढे म्हणायचे
 ”आमचे नाना खूप शिकलेले नव्हते,पण त्यांना आम्ही त्यांची
मुलं शिकलेली आहोत याचा खूप अभिमान होता.म्हणून ते आल्या गेलेल्या असं सांगायचे एव्हडंच.
 ”हे सांगताना अण्णांच्या डोळ्यात पाणी यायचं.

                 श्रीकृष्ण सामंत (स्यान होझे कॅलिफोरनीया)