कसे कुणी कुणाचे मन जिंकती
सांगेल कुणी कशी करावी ही चलाखी

कुणा प्रियतमेच्या मनी वसावे
प्रीतिचे वचन देऊनी सफल करावे
स्वप्न असे नेत्री सदैव बाळगूनी
भटकतो सर्व जगी समय काटूनी
अरेरे! कशी ही अमुची कमनशिबी
देईना हृदय अपुले कुणी रुपवती
सांगेल कुणी कशी मिळवावी संमती

नाही पाहिल्या कचपाशातल्या सरी
नाही रोखल्या नजरा पदरावरी
नेईल का कुणी अशाच जागी आम्हा
दिसेल अमुच्या मनातली प्रियतमा
अरेरे! कशी ही अमुची कमनशिबी
रहात असावी ती कुठल्या पत्यावरी
सांगेल कुणी कशी शोधावी सत्वरी

 
श्रीकृष्ण सामंत (सॅन होझे कॅलिफोरनीया)
shrikrishnas@gmail.com