कॉर्नींगचे भांडे

प्रो.देसाई मला म्हणाले “सामंत, आज मला तुमच्या बरोबर एका विषयावर चर्च्या करायची आहे”
मी म्हणालो “भाऊसाहेब, त्यानंतर मग तुम्ही मला नक्कीच एखादी कविता लिहायला सांगणार खरं ना?”
 ते फक्त हंसले.”बरं सांगा काय तुम्हाला सांगायचे आहे ते”मी म्हणालो.

“सामंत,काय झालं आता वयोमानामुळे पुर्वी सारखी आपल्याला कामं होत नाहीत.
तरी पण शरिराची हालचाल ही झालीच पाहिजे. नाही काय?.
डिश वॉशर लोड अनलोड करण्याचे काम मी घरात करतो.
कांचेची भांडी असतात कधी तरी  काढता ठेवताना ती फुटतात.
“कॉर्नींगचं” भांडं हा माझ्या मुलीचा “वीक पॉईंट”आहे अशी माझी समजूत आहे.

वॉलमार्ट मधे गेली की ती “कॉर्नींगच्या भांड्यांच्या  आईल मधे जावून
 निरनिराळी नवीन भांडी न्याहळल्याशिवाय तिचं शॉपींग पूरं होणार नाही.
आणि ती  एखाद नवीन भांड विकत घेणारच.
तर,त्याच काय झालं असलच एक भांड जुनं झालं होत ते फुटलं.
ते बघून तिला खूप वाईट वाटलं.मला तिच्या चेहऱ्यावरून दिसलं.
फुटण्याचे कारण बिरण सांगत बसलो ना तिला, तर मग त्यावर दोघांचा वाद होणार,
 म्हणून मी काही बोललोच नाही .पण मनांत वाटत होतं की तिला अश्यावेळी
 समजुतीने सांगायला हवं नाही काय? तुमची आठवण आली बघा,नाहीतरी तुम्ही सांगताना की,
 कवितेतून आपल्या भावना किंवा मनातले विचार जास्त परिणामकारक
प्रदर्शीत करता येतात असं काही तरी, मग म्हटलं तुम्हाला भेटल्यावर
ह्या विषयावर एखादी कविता लिहायला सांगावी.खरं ना?”
 मी म्हटलं “भाऊसाहेब मी सुरवातीला हे भाकीत केलं होतच .
ठिक आहे पुन्हा ज्यावेळी भेटूं त्यावेळी जमलं तर कविता घेवून येतो.”

 जाता जाता भाऊसाहेब म्हणाले “सामंत तुमची ती कविता मी माझ्या
मुलीच्या समोरच ठेवतो म्हणजे सर्व काही साध्य होईल.
त्यानंतर मला खालील कविता सुचली.
कविता अशी आहे.

इस्तमाल होना है तो
इन्तकाल होनाही है

कॉर्निगचे भांडे
हा तुझा “वीकपॉइंट” आहे
ते तुटल्यावर तुला
दुःख होणे सहाजीक आहे
तुझ्या दुःखात सहभागी न होणे
मला असंभव आहे

धगघगत्या वॉशर मधून
रखरखत्या ओव्हन मधून
खतखतत्या अन्ना मधून
ठेवून परत घेण्या मधून
घेवून परत ठेवण्या मधून
अपरिमीत शॉक मधून
“बचा तो सिकंदर
न बचा तो मुक्कद्दर”

सजीव असो वा निर्जीव
जनन मरणाचे तत्वज्ञान
एकच असते
इस्तमाल होजाय
तो इन्तकाल होनाई है
पण इथे आहे एक दिलासा
कॉर्नींगचे भांडे एकदीन
वालमार्टमे मिलनाही है

       श्रीकृष्ण सामंत (स्यान होझे कॅलिफोरनीया)
 

Advertisements

टिप्पणी नोंदवा

Required fields are marked *

*
*

%d bloggers like this: