सहवास तुझा रिझवी माझ्या जीवाला

तुला मिळवूनी मिळविले सार्‍या जगताला
फुलाला खुलवूनी खुलविले सार्‍या बगिच्याला

तू सूर्य अन मी सूर्यमुखी रे सजणा
कसा जाईल दिवस माझा तुझ्याविणा
सहवास तुझा रिझवी माझ्या जीवाला
तुला मिळवूनी मिळविले सार्‍या जगताला

विलक्षण असती हे अनुबंध सजणा
बंध बांधले तुझे न माझे धाग्याविणा
हातात घेऊनी हात जाऊया फिरायला
तुला मिळवूनी मिळविले सार्‍या जगताला

न होवो कधीही अपुली ताटातूट रे
तू माझा दिवा तर मी तूझी वात रे
विझविली तर विझेल दे तिला जळायला
फुलाला खुलवूनी खुलविले सार्‍या बगिच्याला

तुला मिळवूनी मिळविले सार्‍या जगताला
फुलाला खुलवूनी खुलविले सार्‍या बगिच्याला

 
श्रीकृष्ण सामंत (सॅन होझे कॅलिफोरनीया)
shrikrishnas@gmail.com

Advertisements

One Comment

  1. Posted ऑगस्ट 20, 2009 at 10:10 pm | Permalink

    tumacaysathi


टिप्पणी नोंदवा

Required fields are marked *

*
*

%d bloggers like this: